இந்திய கிரிக்கெட் அணியின் கேப்டன் மகேந்திர சிங் தோனியை சந்திக்க தனது கடையையே விற்றுள்ளார் ஒரு ரசிகர்.
ஆச்சரியமாக இருக்கிறதா? மேற்கொண்டு படியுங்கள்.
உத்தரப் பிரதேச மாநிலம் சஹரங்பூரைச் சேர்ந்தவர் ரவீந்திர குமார் சைனி (23). தோனியை சந்தித்து ரவீந்திர குமார் புகைப்படம் எடுத்துக் கொள்ள வேண்டும் என அவரது காதலி விரும்பியுள்ளார்.
அதற்காக தனது சிடி கடையை விற்றுவிட்டு தோனியின் சொந்த ஊரான ராஞ்சியில் வந்து தங்கிவிட்டார் சைனி.
ஒரு நாள் அல்ல, இரண்டு நாள் அல்ல, கடந்த 35 நாள்களாக தோனியை சந்திக்க பல வழிகளில் அவர் முயற்சி மேற்கொண்டுள்ளார்.
அந்த பொன்னான நேரம் அவருக்கு புதன்கிழமை அமைந்தது. மும்பை செல்வதற்காக ராஞ்சி விமான நிலையத்துக்கு தோனி வந்துள்ளார். அந்த நேரத்தில் பாதுகாப்பு வீரர்களின் கெடுபிடி குறைவாக இருந்ததால் தோனியுடன் சைனி கை குலுக்கினார்.
அங்கிருந்த புகைப்படக் கலைஞர்கள் உடனடியாக "கிளிக்' செய்தனர். சைனிக்கு அந்த புகைப்படத்தை தருவதாகவும் உறுதி அளித்தனர்.
"ராஞ்சியில் சைனி நீண்ட நாள்களாகத் தங்கியிருப்பது தெரியவந்தது. தோனியை சந்திக்க என்னைத் தொடர்பு கொண்டார். தற்போது அவரது கனவு நனவாகியுள்ளது' என தோனியின் நண்பர் அனிமேஷ் குமார் என்பவர் தெரிவித்தார்
0 comments:
Post a Comment