ஆஷஸ் தொடரின் தோல்விக்கு கேப்டன் பாண்டிங் காரணமில்லை. அவர் மிகச் சிறந்த கேப்டன்,'' என, மைக்கேல் கிளார்க் தெரிவித்தார். இங்கிலாந்துக்கு எதிரான வரலாற்றுச் சிறப்பு மிக்க ஆஷஸ் டெஸ்ட் தொடரில் ஆஸ்திரேலிய அணி 1-2 என்ற கணக்கில் தோல்வி அடைந்தது.
இதற்குப் பின் பேட்டி அளித்த ரிக்கி பாண்டிங், கேப்டன் பொறுப்பை மைக்கேல் கிளார்க்கிடம் பிரித்து கொடுப்பது பற்றி வெளிப்படையாகவே தெரிவித்தார். இது குறித்து பேட்டி அளித்த மைக்கேல் கிளார்க் கூறியதாவது:தற்போதைய சூழ்நிலையில் கேப்டன் பதவியை ஒரு பிரச்னையாக கருதவில்லை.
பாண்டிங் தான் அணியின் கேப்டன். டெஸ்ட், ஒரு நாள் மற்றும் டுவென்டி-20' என கிரிக்கெட்டின் அனைத்துபரிமாணங்களிலும் திறமையாக விளையாடக்கூடியவர் பாண்டிங். சமீபத்தில் நடந்த ஆஷஸ் தொடரிலும் பாண்டிங் சிறப்பாக ஆடினார்.
நான் சர்வதேச கிரிக்கெட் அரங்கில் காலடி வைத்தது முதல், பாண்டிங்கிடம் இருந்து பல ஆலோசனைகளை பெற்று வருகிறேன். அவரது தலைமையின் கீழ் போட்டிகளில் பங்கேற்பது மகிழ்ச்சியான விஷயம். இவ்வாறு கிளார்க் தெரிவித்தார்.மற்றொரு முன்னணி வீரர் சைமன் காடிச்சும், பாண்டிங்கிற்கு ஆதரவாகப் பேசியுள்ளார். இது குறித்து அவர் கூறுகையில்,"" ஆஷஸ் தொடரில் பாண்டிங் சிறப்பாகவே செயல்பட்டார்.
அணியின் தோல்விக்கு அவர் மட்டும் காரணமல்ல. நான் உட்பட அணியில் இடம் பெற்ற வீரர்கள் அனைவரும் சிறப்பாக செயல்பட வில்லை,'' என்றார்.
0 comments:
Post a Comment