கிராண்ட்ஸ்லாம் தொடர்களில் ஒன்றான யு.எஸ் ஓபன் டென்னிஸ் போட்டி இன்று அமெரிக்காவில் துவங்குகிறது. ஆண்கள் பிரிவில் ரோஜர் பெடரர் தொடர்ந்து 6வது முறையாக பட்டம் வெல்ல காத்திருக் கிறார்.
நடால், ஆன்டி முர்ரே போன்ற வீரர்களும் பலப்பரீட்சைக்கு தயாராக உள்ளனர். பெண்கள் பிரிவில் செரீனா, சபினா போன்றவர்கள் சாதிக்கலாம். யு.எஸ்., ஓபன்., டென்னிஸ் தொடர் அமெரிக்காவின்
நியூயார்க் நகரில் இன்று துவங்குகிறது.
இதில் ஆண்கள் ஒற்றையர் பிரிவில் உலகின் "நம்பர்-1' வீரர் சுவிட்சர்லாந்தின் ரோஜர் பெடரர், 5 முறை (2004-2008) பட்டம் வென்றுள்ளார். இவர் 6வது முறையாக பட்டம் வெல்ல வாய்ப்பு உள்ளது. தவிர, 16 வது கிராண்ட்ஸ்லாம் பட்டத்தை கைப்பற்றுவாரா என்ற எதிர் பார்ப்பும் காணப்படுகிறது.
சமீபத்தில் "நம்பர்-2' இடத்தை பிடித்த இங்கிலாந்தின் ஆன்டி முர்ரே, பெடரருக்கு கடும் போட்டியை தரலாம். கடந்த ஆண்டு பைனலில் பெடரரிடம் தோல்வியடைந்த முர்ரே, இம்முறை பழி தீர்க்க காத்திருக்கிறார்.
காயம் காரணமாக ஓய்வில் இருந்து வந்த ஸ்பெயின் வீரர் ரபெல் நடாலும் முதன் முறையாக யு.எஸ்., பட்டம் வெல்லும் நோக்கத்துடன் களமிறங்குகிறார். இவர்கள் தவிர, ஜோகோவிச், டேவிட் பெரர் போன்ற முன்னணி வீரர்களும் பங்கேற்கிறார்கள்.
சாதிப்பாரா செரீனா?: பெண்கள் ஒற்றையர் பிரிவில் அமெரிக்காவின் செரீனா வில்லியம்ஸ், 12 வது கிராண்ட்ஸ்லாம் பட்டம் வென்று சக நாட்டு வீராங்கனை பில்லி ஜீன் கிங் சாதனையை சமன் செய்வார் என எதிர்பார்க்கப்படுகிறது. இதுவரை கிராண்ட்ஸ்லாம் பட்டம் வெல்லாமல் "நம்பர்-1' இடத் தில் உள்ள ரஷ்யாவின் டினரா சபினா, இம்முறை பட்டம் வெல்ல போராடுவார். தவிர, வீனஸ் வில்லியம்ஸ், செர்பியாவின் ஜான்கோவிச், இவானோவிச் போன்ற முன்னணி வீராங்கனைகள் மோத உள்ளனர்.
முதல் முறையாக சோம்தேவ்...யு.எஸ்., ஓபனில் சோம்தேவ் தேவ்வர்மன் முதல் முறையாக பங்கேற் கிறார். கடந்த 7 ஆண்டுகளில் இந்தியா சார்பில் கிராண்ட் ஸ்லாம் ஒற்றையர் பிரிவில் பங்கேற்கும் முதல் வீரராகிறார். இதற்கு முன் பிரகாஷ் அமிர்தராஜ் 2002ல் நடந்த யு.எஸ்., ஓபன் தொடரில் பங்கேற்றார். முதல் சுற்றில் சோம்தேவ், போர்ச்சுகலின் பெர்டரி கோவை எதிர்கொள்கிறார். தகுதி சுற்று போட்டி களில் அசத்தலாக ஆடிய சோம் தேவ், இம் முறை அதிர்ச்சி அலைகளை ஏற்படுத்தலாம்.
0 comments:
Post a Comment