ஆஸ்திரேலியாவுடன் ஒருதின தொடர்: ஜெய்ப்பூரில் முதலாவது போட்டி

ஏழு போட்டிகளைக் கொண்ட ஒருதின கிரிக்கெட் தொடரில் பங்கேற்க இந்தியா வருகிறது ஆஸ்திரேலிய அணி.

இது குறித்து இந்திய கிரிக்கெட் வாரியம் செய்திக் குறிப்பில் தெரிவித்துள்ளது:

இந்தியாவுடன் ஒருதின தொடரில் பங்கேற்கும் ஆஸ்திரேலிய அணி அக்டோபர் 21-ம்தேதி இந்தியா வருகிறது.

ஜெய்ப்பூரில் அக்டோபர் 25-ம்தேதி முதலாவது போட்டியில் பங்கேற்கிறது. கடைசிப் போட்டி மும்பையில் நவம்பர் 11-ம்தேதி நடைபெறுகிறது. குவாஹாட்டியில் நவம்பர் 8-ம்தேதி நடைபெறும் 6-வது போட்டியைத் தவிர மற்றைய ஆட்டங்கள் அனைத்தும் பகலிரவாக நடைபெறும். மும்பையிலிருந்து நவம்பர் 12-ம்தேதி ஆஸ்திரேலிய அணி தாயகம் திரும்புகிறது.

அட்டவணை விவரம்

அக்டோபர் 25: முதல் போட்டி (ஜெய்ப்பூர்).

அக்டோபர் 28: 2-வது போட்டி (நாகபுரி).

அக்டோபர் 31: 3-வது போட்டி (தில்லி).

நவம்பர் 2: 4-வது போட்டி (மொஹாலி).

நவம்பர் 5: 5-வது போட்டி (ஹைதராபாத்).

நவம்பர் 8: 6-வது போட்டி (குவாஹாட்டி).

நவம்பர் 11: 7-வது போட்டி (மும்பை)