தொடர்ந்து தோனி "நம்பர்-1'

ஒரு நாள் போட்டிக்கான ரேங்கிங் பட்டியலில் இந்திய கேப்டன் தோனி முதலிடத்தில் நீடிக்கிறார்.

சர்வதேச கிரிக்கெட் கவுன்சில் (ஐ.சி.சி.,) ஒருநாள் போட்டிக்கான புதிய ரேங்கிங் பட்டியலை நேற்று வெளியிட்டுள்ளது. இதில் தோனி 828 புள்ளிகளுடன் தொடர்ந்து முதலிடத்தில் உள்ளார். மற்றொரு இந்திய வீரர் யுவராஜ் (784) இரண்டாவது இடத்தில் உள்ளார்.

மூன்றாவது இடத்தை ஆஸ்திரேலியாவின் மைக்கேல் ஹசி (767) பிடித்துள்ளார். இந்திய அணியின் துவக்க ஆட்டக்காரர் சேவக் (732), ஏழாவது இடத்தில் உள்ளார். சச்சின், காம்பிர் முறையே 15 மற்றும் 16 வது இடங்களை பெற்றுள்ளனர். சிறந்த டெஸ்ட் அணிகள் பட்டியலில் ஆஸ்திரேலியா (128), தென் ஆப்ரிக்கா (119), இந்தியா (117) முறையே முதல் மூன்று இடங்களில் உள்ளன. ஒருநாள் அணிகள் ரேங்கிங்கில் முதல் 3 இடங்களில் தென் ஆப்ரிக்கா (126), ஆஸ்திரேலியா (122), இந்தியா (121) உள்ளன.