இங்கிலாந்து கிரிக்கெட் வீரர் கெவின் பீட்டர்சனுக்கு புதன்கிழமை காலில் அறுவைச் சிகிச்சை செய்யப்பட்டது. இதையடுத்து, ஆஷஸ் தொடரின் மீதமுள்ள 3 டெஸ்டுகளில் அவர் பங்கேற்க முடியாத நிலை ஏற்பட்டுள்ளது.
லார்ட்ஸில் நடைபெற்ற 2-வது டெஸ்டின் போதே பீட்டர்சன் குதிகாலில் காயம் காரணமாக அவதிப்பட்டார். 4 ஊசிகள் போட்டுக் கொண்டு ஆட்டத்தில் அவர் பங்கேற்றார்.
இந்நிலையில், அவருக்கு குதிகாலில் அறுவைச் சிகிச்சை செய்ய இங்கிலாந்து கிரிக்கெட் வாரிய தலைமை மருத்துவ அதிகாரி நிக் பெய்ர்ஸ் பரிந்துரைத்தார்.
குணமடைவதற்காகவும், இதுபோன்ற காயம் மீண்டும் ஏற்படாமல் இருக்கவும் பயிற்சிகளை பீட்டர்சன் தொடர்ந்து மேற்கொள்ள வேண்டியுள்ளது. அதற்கு சுமார் 6 வாரங்கள் ஆகலாம். எனினும், குறிப்பிட்ட கால இடைவெளியில் அவரது காயம் குறித்து ஆராயப்படும் என்றார் பெய்ர்ஸ்.
இது குறித்து பீட்டர்சன் கூறியதாவது: இங்கிலாந்து கிரிக்கெட் வீரருக்கு ஆஷஸ் தொடரில் பங்கேற்பது என்பது வாழ்நாள் கனவாகும். இங்கிலாந்து முன்னிலை பெற்றுள்ள நிலையில் ஆஷஸ் தொடரில் பங்கேற்க முடியாத சூழ்நிலை மிகவும் வருத்தம் அளிக்கக் கூடியதாகும்.
காயம் காரணமாக ஆட்டங்களில் பங்கேற்க முடியாமல் போவதை வெறுக்கிறேன். காயங்களில் இருந்து மீண்டு விரைவில் மீண்டும் விளையாடுவேன் என்றார்.
hai this vedia is very nice
ReplyDeleteby www.thamizhovia.blogspot.com