காலிறுதிச் சுற்றில் தீபிகா

சென்னையில் நடைபெற்றுவரும் உலக ஜூனியர் ஸ்குவாஷ் சாம்பியன் போட்டியில் நட்சத்திர வீராங்கனை தீபிகா பலிக்கல் காலிறுதிச் சுற்றுக்கு முன்னேறினார்.

போட்டித் தரநிலையில் முதலிடத்தில் உள்ள இவர், வியாழக்கிழமை நடைபெற்ற ஆட்டத்தில் எகிப்து வீராங்கனை யாத்ரெப் அடெலை 3-0 என நேர் செட்களில் தோற்கடித்தார்.

யாத்ரெப் தோல்வியுற்றாலும், 5 எகிப்து வீராங்கனைகள் காலிறுதி ஆட்டத்துக்கு முன்னேறியுள்ளனர்.

ஆடவர் பிரிவில் இந்தியாவின் மகேஷ் மான்கான்கர், பரிமித் சிங், பிரனாய் மெர்ச்சன்ட் உள்ளிட்டோர் 4-வது சுற்றை எட்டியுள்ளனர்.