பயிற்சியின்போது இந்திய கிரிக்கெட் அணியின் துணை கேப்டன் யுவராஜ் சிங் வலது கை விரலில் காயமடைந்தார். இதைத் தொடர்ந்து சாம்பியன்ஸ் டிராபி போட்டியிலிருந்து அவர் விலகியுள்ளார்.
சாம்பியன்ஸ் டிராபி கிரிக்கெட் போட்டிக்காக இந்திய அணி தென்னாப்பிரிக்கா சென்றுள்ளது. செப்டம்பர் 26-ம் தேதி பாகிஸ்தானுடன் இந்திய அணி விளையாடுகிறது.
இந்நிலையில் புதன்கிழமை இந்திய அணி வீரர்கள் யுனிவர்சிட்டி மைதானத்தில் பயிற்சியில் ஈடுபட்டிருந்தனர். ஃபீல்டிங் செய்துகொண்டிருந்தபோது யுவராஜ்சிங்குக்கு வலது கைவிரலில் காயம் ஏற்பட்டது.
இதைத் தொடர்ந்து அவருக்கு சிகிச்சை அளிக்கப்பட்டது. காயம் ஏற்பட்டதையடுத்து அவரை 6 வாரம் ஓய்வெடுக்குமாறு டாக்டர்கள் அறிவுறுத்தியுள்ளனர். இதையடுத்து அவர் சிகிச்சைக்காக இந்தியா திரும்புகிறார்.
ஏற்கெனவே சேவாக், கம்பீர், ஜாகீர்கான், இர்பான் பதான் ஆகியோர் காயமடைந்து அணியிலிருந்து விலகிய நிலையில் யுவராஜ்சிங்கும் விலகியுள்ளார். இதனால் அணிக்கு பின்னடைவு ஏற்படும் என கிரிக்கெட் வல்லுநர்கள் தெரிவித்துள்ளனர்
0 comments:
Post a Comment