சச்சினுடனான சந்திப்பை மறக்க முடியாது

இந்திய கிரிக்கெட் வீரர் சச்சின் டெண்டுல்கரை சந்தித்ததை என் வாழ்நாளில் மறக்க முடியாது என்று ஆஸ்திரேலிய துவக்க ஆட்டக்காரர் பிலிப் ஹக்ஸ் கூறினார்.

இதுகுறித்து மெல்போர்னில் நிருபர்களுக்கு அவர் அளித்த பேட்டி:

மும்பையிலுள்ள ஹோட்டலில் சச்சின் டெண்டுல்கரை சந்தித்துப் பேசினேன். இதை என் வாழ்நாளில் மறக்கமுடியாது.

நான் அவரிடம் சில கேள்விகளைக் கேட்டேன். அவர் என்னிடம் சில கேள்விகளைக் கேட்டார். எனது குடும்பம் குறித்தும் சச்சிந் கேட்டார் என்றார் அவர்.

சச்சினுடன் அவர் என்ன பேசினார் என்ற விவரங்களைத் தெரிவிக்க ஹக்ஸ் மறுத்துவிட்டார்.