ஒலிம்பிக் ஹாக்கி: இந்திய அணிக்கு கடைசி இடம்

இந்திய அணி 8 ஆண்டுகளுக்குப் பிறகு ஒலிம்பிக் போட்டியில் பங்கேற்க இந்த முறை தகுதி பெற்றது. ஆனால் அடுத்த சுற்றுக்கு தகுதி பெறக் கூடிய 5 லீக் போட்டிகளிலும் இந்திய அணி தோல்வியை தழுவியது.

இந்நிலையில் இன்று 11-வது மற்றும் 12-வது இடங்களுக்கான போட்டியில் இந்திய அணி தென் ஆப்பிரிக்காவுடன் மோதியது. இதிலும் இந்திய அணி 2-3 என்ற கோல் கணக்கில் தோல்வியை தழுவியது.

இவ்வாறு அனைத்து போட்டிகளிலும் தோல்வி அடைந்ததன் மூலம் இந்திய அணி கடைசி இடத்துக்கு தள்ளப்பட்டுள்ளது.

1996ம் ஆண்டு அட்லாண்டா ஒலிம்பிக் போட்டியில் 8-வது இடத்தைப் பிடித்ததே இதற்கு முந்தைய குறைந்த நிலையாகும்.

இந்தியாவின் தேசிய விளையாட்டான ஹாக்கியின் தரம், ஒலிம்பிக் அரங்கில் இவ்வளவு மோசமான நிலைக்கு பின்தங்கியது ரசிகர்களை மிகவும் அதிர்ச்சிக்குள்ளாக்கியிருக்கிறது.

0 comments:

Post a Comment