கிரிக்கெட்டின் வைரம் சச்சின்

இந்திய துணைக் கண்டத்தின் கிரிக்கெட் வைரம் சச்சின்,'' என, ஹனீப் முகமது தெரிவித்தார்.

பாகிஸ்தான் கிரிக்கெட் அணியின் முன்னாள் கேப்டன் ஹனீப் முகமது. இதுவரை 55 டெஸ்ட் போட்டிகளில் விளையாடியுள்ள இவர், 12 சதம் உட்பட 3,915 ரன்கள் குவித்துள்ளார்.

நேற்று தனது 75 வது பிறந்த நாளை கொண்டாடிய ஹனீப் முகமது, இந்திய வீரர் சச்சினை வெகுவாக பாராட்டியுள்ளார். இது குறித்து அவர் கூறியது:

இந்தியாவின் சச்சின், லாலா அமர்நாத், வெஸ்ட் இண்டீசின் சோபர்ஸ், பிரையன் லாரா ஆகியோரை கடந்த நூற்றாண்டின் சிறந்த வீரர்களாக கருதுகிறேன். கிரிக்கெட் மீது சச்சின் கொண்ட ஈடுபாட்டை கண்டு ஆச்சரியம் அடைகிறேன்.

அவரது ஆட்டத்தை இன்றும் விரும்பி பார்க்கிறேன். கிரிக்கெட்டை பொறுத்த வரை இந்திய துணைக் கண்டத்தின் வைரம் சச்சின். கிரிக்கெட் அரங்கில் இந்தியாவுக்கு எதிராக விளையாடிய போட்டிகள் மறக்க முடியாதவை. இவ்வாறு ஹனீப் தெரிவித்தார்

0 comments:

Post a Comment