மும்பை அணியில் சச்சின் மகன்

14 வயதுக்கு உட்பட்டோருக்கான மும்பை அணியில் இந்திய அணியின் "மாஸ்டர்' பேட்ஸ்மேன் சச்சினின் மகன் அர்ஜுன் டெண்டுல்கர் இடம் பிடித்தார்.

இந்திய அணியின் "மாஸ்டர்' பேட்ஸ்மேன் சச்சின்,39. இவரது மகன் அர்ஜுன் டெண்டுல்கர், 13. இவர், ஆமதாபாத்தில், ஜன.20 ம் தேதி முதல் பிப்.1 ம்தேதி வரை நடக்கவுள்ள, 14 வயதுக்கு உட்பட்டோருக்கான மேற்கு மண்டல லீக் தொடரில், மும்பை அணிக்காக தேர்வு செய்யப்பட்டுள்ளார். 

கடந்த ஆண்டு மே மாதம் மும்பையில் நடந்த 14 வயதுக்கு உட்பட்டோருக்கான அணி தேர்வுக்கான பயிற்சியில் சதம் அடித்தார். 

ஏற்கனவே இவர், கோரெகான் சென்டர் அணிக்கு எதிரான போட்டியில் சதம் (124 ரன்கள், 14 பவுண்டரி, ஒரு சிக்சர்) அடித்து கார் ஜிம்கானா அணியை பைனலுக்கு அழைத்துச் சென்றார். 

இடது கை பேட்ஸ்மேனான இவர், 2011 ஆண்டில் முதல் முறையாக தேசிய அளவிலான போட்டிகளில் பங்கேற்றார்.