நடிகை அனுஷ்கா சர்மாவுடன் காதல் - ரெய்னா ஒப்புதல்


இந்திய கிரிக்கெட் அணியின் அதிரடி பேட்ஸ்மேன்களில் ஒருவர் சுரேஷ் ரெய்னா. இவருக்கும், இந்தி நடிகை அனுஷ்கா சர்மாவுக்கும் இடையே காதல் ஏற்பட்டு இருவரும் ஒன்றாக பல்வேறு இடங்களில் ஊர் சுற்றி வந்தனர். இந்த இருவரது காதல் கடந்த ஆண்டு பரபரப்பாக பேசப்பட்டது.

ஆனால் இருவரும் தங்களுக்கு காதல் எதுவும் இல்லை என்று கூறிவந்தனர். இந்த நிலையில் அனுஷ்கா சர்மாவுடன் காதல் இருப்பதை ரெய்னா ஒப்புக் கொண்டார். 

இது தொடர்பாக அவர் கூறியதாவது:-

புது நடிகை அனுஷ்கா சர்மாவின் நடிப்பு எனக்கு மிகவும் பிடிக்கும். அவர் எனக்கு பிடித்தமானவர். இங்கிலாந்து பயணத்தின்போது நான், டிராவிட், டோனி ஆகியோர் பல படங்களை பார்த்து இருக்கிறோம்.

ராஜேஷ்கண்ணா, அமிதாப்பச்சன் நடிப்பை பார்த்து நான் மெய்சிலிர்த்தேன் தற்போதைய தலை முறையில் ரன்பீர் கபூரின் மிகவும் பிரமாதமாக நடிக்கிறார்.

எனது திருமணம் குறித்து எனது குடும்பத்தினர் ஆலோசனை செய்து வருகிறார்கள்.

இவ்வாறு ரெய்னா கூறியுள்ளார்.

26 வயதான அனுஷ்கா சர்மா மாடல் அழகியாக திகழ்ந்தார். 2008-ம் ஆண்டு நடிகையாக அறிமுகமானார். இதுவரை 7 இந்தி படங்களில் நடித்துள்ளார். 

0 comments:

Post a Comment