ஐ.சி.சி. தரவரிசையில் முதல் முறையாக முதல் 10 இடத்திற்குள் நுழைந்தார் புஜாரா


சர்வதேச கிரிக்கெட் கவுன்சிலின் (ஐ.சி.சி.) டெஸ்ட் பேட்ஸ்மேன்களுக்கான தரவரிசையில் இந்திய வீரர் புஜாரா முதல் முறையாக டாப்-10 இடத்திற்குள் நுழைந்துள்ளார். 

ஐதராபாத் டெஸ்டில் இரட்டை சதம் அடித்ததன் மூலம் அவர் 23-வது இடத்தில் இருந்து 10-வது இடத்திற்கு முன்னேறியுள்ளார். 

சச்சின் தெண்டுல்கர் 19-வது இடத்திலும் (2 இடம் சரிவு), கேப்டன் டோனி 21-வது இடத்திலும், விராட் கோலி 24-வது இடத்திலும் உள்ளனர். முதல் இரு இடங்களில் தென்ஆப்பிரிக்காவின் அம்லா, ஆஸ்திரேலியாவின் மைக்கேல் கிளார்க் இருக்கிறார்கள். 

பந்து வீச்சாளர்களின் தரவரிசையில் இந்திய சுழற்பந்து வீச்சாளர் தமிழகத்தை சேர்ந்த அஸ்வின் முதல் முறையாக முதல் 10 இடத்திற்குள் வந்துள்ளார். ஆஸ்திரேலியாவுக்கு எதிரான 2-வது டெஸ்டில் மொத்தம் 6 விக்கெட்டுகள் கைப்பற்றிய அஸ்வின் 11-வது இடத்தில் இருந்து 8-வது இடத்தை பிடித்துள்ளார். 

மற்றொரு இந்திய பவுலர் பிரக்யான் ஓஜா 9-வது இடத்தில் இருக்கிறார். முதல் மூன்று இடங்களில் தென்ஆப்பிரிக்காவின் ஸ்டெயின், பிலாண்டர், பாகிஸ்தானின் சயீத் அஜ்மல் தொடருகிறார்கள்.

0 comments:

Post a Comment