உலக கோப்பையை வெல்ல பாகிஸ்தானுக்கு வாய்ப்பு

உலக கோப்பையை வெல்ல பாகிஸ்தானுக்கும் வாய்ப்பு இருப்பதாக அப்ரிடி நம்பிக்கை தெரிவித்துள்ளார். பாகிஸ்தான் கிரிக்கெட் அணி 2 டி20, 2 டெஸ்ட் மற்றும் 6 ஒருநாள் போட்டியில் பங்கேற்பதற்காக நியூசிலாந்து செல்கிறது.

இந்த தொடருக்கான அப்ரிடி தலைமையிலான பாகிஸ்தான் அணி லாகூரில் தீவிர பயிற்சி மேற்கொண்டு வருகிறது. நியூசிலாந்து தொடர் மற்றும் உலக கோப்பை குறித்து அப்ரிடி கூறியதாவது: தொடர் தோல்விகளை சந்தித்து வருவதால் பாகிஸ்தான் அணி பலவீனமாக இருப்பதாக நினைக்க வேண்டாம்.

உலக கோப்பையை வெல்ல எங்களுக்கும் வாய்ப்பு பிரகாசமாக இருக்கிறது. நியூசிலாந்து தொடர் எங்களுக்கு மிகவும் முக்கியம் வாய்ந்தது. உலக கோப்பைக்கு முன்னர் இந்த தொடர் நடப்பதால் அதிக கவனத்துடன் விளையாட முடிவு செய்துள்ளோம்.

இதற்காக எனது வீரர்கள் லாகூரில் தீவிர பயிற்சி மேற்கொண்டு வருகின்றனர். பேட்டிங் மற்றும் பீல்டிங்கில் அதிக கவனம் செலுத்தி வருகிறோம்.