ஆசியக் கோப்பை போட்டி நாளை மறுநாள் துவக்கம்

ஆசியக் கோப்பை கிரிக்கெட் போட்டி வருகிற 11-ந்தேதி தொடங்குகிறது. இதில் இந்தியா, பாகிஸ்தான், இலங்கை, வங்கதேசம் ஆகிய நாடுகள் விளையாடுகின்றன.

இப்போட்டியில் 6 தகுதி சுற்று ஆட்டங்கள் நடைபெறுகின்றன. ஒவ்வொரு அணியும் எதிர் அணிகளுடன் தலா ஒருமுறை மோதும். புள்ளிகளின் அடிப்படையில் முதல் இரண்டு இடங்களைப் பிடிக்கும் அணிகள் மார்ச் 22 அன்று நடைபெறும் இறுதிப் போட்டியில் மோதும்.

வங்கதேசம், மிர்பூரில் உள்ள ஷேர் பங்களா நேஷனல் ஸ்டேடியத்தில் அனைத்து போட்டிகளும் நடைபெற உள்ளன.

போட்டிகளின் விபரம்

மார்ச் 11 - வங்கதேசம் x பாகிஸ்தான்

மார்ச் 13 - இந்தியா x இலங்கை

மார்ச் 15 - பாகிஸ்தான் x இலங்கை

மார்ச் 16 - இந்தியா x வங்கதேசம்

மார்ச் 18 - இந்தியா x பாகிஸ்தான்

மார்ச் 20 - வங்கதேசம் x இலங்கை

மார்ச் 22 - இறுதிப்போட்டி

10 முறை நடைபெற்றுள்ள ஆசியக்கோப்பை தொடரில் 5 முறை இந்திய அணியும், 4 முறை இலங்கை அணியும் கோப்பையை வென்றுள்ளன. பாகிஸ்தான் ஒருமுறை கோப்பையை வென்றுள்ளது.

இந்திய அணியின் பரம எதிரியான பாகிஸ்தானை வரும் 18-ம் தேதி சந்திக்க இருக்கிறது. இப்போட்டி இருநாட்டு ரசிகர்களிடையே மிகுந்த பரபரப்பை ஏற்படுத்தும்.

நடப்பு சாம்பியனான இந்திய அணி கடந்த சில மாதங்களாக தோல்வி முகத்தில் இருந்தாலும், இத்தொடரிலாவது எழுச்சி பெற வேண்டும் என்பதே ரசிகர்களின் எதிர்பார்ப்பாக இருக்கிறது.