கேப்டன் தோனி நேற்று தனது 30வது பிறந்தநாளை உற்சாகமாக கொண்டாடினார்.
இந்திய அணியின் வெற்றி கேப்டன் தோனி. கடந்த 2007ல் "டுவென்டி-20' உலக கோப்பை பெற்று தந்தார். இந்த ஆண்டு 50 ஓவர் உலக கோப்பையை வென்று காட்டினார்.
தற்போது வெஸ்ட் இண்டீசுக்கு எதிரான டெஸ்ட் தொடரில் பங்கேற்று வரும் இவர், நேற்று தனது 30வது பிறந்தநாளை சக வீரர்களுடன் கொண்டாடினார்.
இவர் பிறந்த ராஞ்சியில் ரசிகர்கள் "கேக்' வெட்டியும் இனிப்புகள் கொடுத்தும் மகிழ்ச்சியை பகிர்ந்து கொண்டனர்.
ஜார்க்கண்ட் மாநில துணை முதல்வர் சுதேஷ் மகாத்தே உள்ளிட்ட பல வி.ஐ.பி.,க்கள் தோனிக்கு வாழ்த்து தெரிவித்தனர்.
ஜார்க்கண்ட் முன்னாள் முதல்வர் பாபுலால் மராண்டி கூறுகையில்,""டெஸ்ட், 50 ஓவர், "டுவென்டி-20' என கிரிக்கெட்டின் அனைத்து வகையான போட்டிகளிலும் தோனி சிறந்து விளங்குவார்.
இதன் மூலம் ரசிகர்களுக்கு தொடர்ந்து மகிழ்ச்சி அளிப்பார்,''என்றார்.
0 comments:
Post a Comment