களிமண் கதாநாயகனுக்கு மவுசு

அமெரிக்காவில் நடக்கும் யு.எஸ்., ஓபன் டென்னிஸ் தொடரில், நடால் தான் கோப்பை வெல்வார் என, ஏராளமானோர் பந்தயம் கட்டுகின்றனர்.

ஸ்பெயினின் டென்னிஸ் நட்சத்திரம் ரபெல் நடால், 27. களிமண் கள நாயகன். இவருக்கு பிடித்த பிரெஞ்ச் ஓபன் கிராண்ட்ஸ்லாம் தொடரில், 2005-2008, 2010-2013 என 8 முறை கோப்பை வென்றுள்ளார். 

ஆஸ்திரேலிய ஓபன் (2009), விம்பிள்டன் (2008, 2010) மற்றும் யு.எஸ்., ஓபனிலும் (2010) நான்கு பட்டம் கைப்பற்றினார்.

முழங்கால் காயம் காரணமாக ஏழு மாதமாக டென்னிசில் விலகியிருந்த நடால், பிப். மாதம் மீண்டும் போட்டிகளுக்கு திரும்பினார். அப்போது முதல் அசத்தல் ஆட்டத்தை வெளிப்படுத்தி வருகிறார். 

இதுவரை பிரேசில், மெக்சிகோ, இந்தியன் வெல்ஸ், பார்சிலோனா, மாட்ரிட், ரோம், மான்ட்ரியல், சின்சினாட்டி மற்றும் பிரெஞ்ச் ஓபன் என, மொத்தம் 9 போட்டிகளில் பட்டம் வென்றார். 

நடால் முதல்வன்:

நடாலின் இந்த அபாரமான "பார்ம்' காரணமாக, தற்போது அமெரிக்காவில் நடக்கும் பிரெஞ்ச் ஓபன் டென்னிசில், இவர் தான் கோப்பை வெல்வார் என, அதிகம் பேர் பந்தயம் கட்டுகின்றனர். இது 7/4 என்ற விகிதத்தில் <உள்ளது.